GBE-N yn Llofnodi Cytundeb Cydweithio gydag IACC
Cytundeb Cydweithio Mae Great British Energy – Nuclear (GBE-N) a Chyngor Sir Ynys Môn wedi llofnodi Cytundeb Cydweithio heddiw sy’n nodi sut y bydd y…
Darllen mwySicrhau Diogelwch Ynni ar gyfer Twf
Rôl Great British Energy – Nuclear yw cyflawni, galluogi a chynghori ar brosiectau ynni niwclear newydd sy'n darparu pŵer dibynadwy, cost isel, cryfhau diogelwch ynni, sbarduno twf cenedlaethol a chefnogi'r newid i sero net.
Ar adeg pan fo angen trydan carbon isel dibynadwy ar y DU yn gyflym, ein rôl ni yw troi uchelgais yn gyflawni.
Yn Great British Energy – Nuclear (GBE-N), rydym yn adeiladu cenhedlaeth nesaf y DU o bŵer niwclear glân a diogel, ac allwn ni ddim gwneud hynny heb gadwyn gyflenwi o’r radd flaenaf.
Ymunwch â ni i bweru dyfodol ynni glân Prydain.
Gweithiwch gyda niByddwch yn rhan o rywbeth gwych.
Yn Great British Energy – Nuclear, byddwch yn helpu i gyflawni un o’r prosiectau ynni glân pwysicaf yn y DU.
Datblygwch eich gyrfa.
Datblygwch ddyfodol ynni glân y DU.
Ymunwch â niEin Rôl Ni
Rydym yn gorff hyd braich sy'n eiddo i'r llywodraeth ac rydym yn gyfrifol am gyflawni rhaglen ynni niwclear newydd y DU, gan ddechrau gydag Adweithyddion Modiwlaidd Bach (SMR).
Rydym yn chwarae rhan allweddol yn y gwaith o gryfhau diogelwch ynni'r DU ar gyfer twf. Rydym yn cyflawni, galluogi a chynghori ar brosiectau niwclear newydd sy'n darparu pŵer dibynadwy, cost isel, cryfhau diogelwch ynni a sbarduno twf cenedlaethol.
Darllenwch ein hadroddiad blynyddol
Sut rydym yn gweithio
gyda'r llywodraeth
Mae Great British Energy – Nuclear (GBE-N) yn gorff hyd braich yn Yr Adran Diogeledd Ynni a Sero Net (DESNZ).
Rydym yn gweithredu’n annibynnol o fewn fframwaith sy’n eiddo i’r llywodraeth, gan gyfuno atebolrwydd cyhoeddus ag arbenigedd technegol a masnachol arbenigol i ddarparu seilwaith niwclear o arwyddocâd cenedlaethol.
Fel datblygwr gorsafoedd niwclear newydd, bydd ein gwaith yn cael ei wneud gyda goruchwyliaeth rheoleiddwyr annibynnol y DU ar gyfer diogelwch niwclear, diogeledd a diogelu’r amgylchedd.
Cawn ein llywodraethu gan fwrdd sy’n atebol i weinidogion, ac rydym yn rheoli arian cyhoeddus drwy reolaethau ariannol a rheolaethau risg cadarn.
Arweinyddiaeth a Llywodraethu
Mae ein bwrdd yn gweithredu yn unol â safonau'r llywodraeth ar gyfer cyrff cyhoeddus, gan gynnwys:
Atebolrwydd
Rheolyddion
Archwilio
Mae ein Prif Weithredwr yn gweithredu fel Swyddog Cyfrifyddu ac mae'n atebol am ddefnyddio arian cyhoeddus yn briodol.
Ein Dull Gweithredu
Mae gan GBE-N dair swyddogaeth strategol: Cyflwyno, Galluogi a Chynghori.
Rydym yn cyflawni pethau ac yn gwneud gwahaniaeth. Mae cysylltiad agos rhwng y swyddogaethau hyn, gyda phrofiad o gyflawni yn y byd go iawn yn llunio ac yn cryfhau ein gwaith cynghori. Wrth galon popeth a wnawn mae meddylfryd cyflawni, gyda chefnogaeth gan ddiwylliant cadarn, sy'n rhoi diogelwch yn gyntaf.
Cyflawni
Mae prosiectau adeiladu gorsafoedd niwclear newydd sifil yn galw am ymrwymiad hirdymor, arbenigedd dwys, a'r gallu i reoli risgiau masnachol, technegol ac ariannol dros ddegawdau. Mae GBE-N yn dod â hyn i gyd at ei gilydd, gan ddenu a chadw'r dalent niwclear orau, sbarduno arloesedd, ysgogi buddsoddiad, a chydlynu ymdrechion ar draws y diwydiant i sicrhau dull gweithredu cydlynol a hirdymor ar draws y rhaglen.
Galluogi
Y tu hwnt i gyflawni prosiectau, mae GBE-N yn chwarae rhan ehangach o ran galluogi'r rhaglen niwclear sifil. Mae hyn yn cynnwys cefnogi'r gwaith o ddatblygu systemau niwclear, cynghori'r llywodraeth ar bolisi adeiladu gorsafoedd niwclear newydd, a galluogi prosiectau sy'n cael eu harwain gan gwmnïau preifat mewn partneriaeth â'r Llywodraeth.
Cynghori
Gan ddefnyddio arbenigedd technegol, masnachol ac ariannol, mae GBE-N yn darparu cyngor annibynnol sy'n seiliedig ar dystiolaeth i'r llywodraeth er mwyn llywio polisi ynni niwclear newydd a helpu i siapio rhaglen niwclear sifil y DU. Mae GBE-N yn cefnogi pwyntiau penderfynu polisi allweddol, gan gynnwys adolygiadau gwariant, cyllidebau ac 'adegau niwclear' hollbwysig eraill, gan sicrhau bod cyngor yn seiliedig ar ddadansoddiad cadarn, data a gwybodaeth am gyflawni yn y byd go iawn.
Mae ein rhaglen yn gwneud y canlynol
Darparu SMR FOAK ar safle yn y DU
Creu'r sylfeini ar gyfer fflyd SMR yn y dyfodol
Gwneud gwaith galluogi hanfodol sy'n diogelu capasiti safleoedd yn y tymor hir
Lleihau cost cylch oes a risg ar gyfer prosiectau dilynol
Ein Safleoedd
Mae Wylfa wedi cael ei dewis fel y safle i letya Adweithyddion Modiwlaidd Bach (SMR) cyntaf y DU ac i symud ymlaen i gam nesaf y datblygiad niwclear newydd. Rydym wedi ymrwymo i ymgysylltu’n agored â chymunedau lleol ar Ynys Môn, gan barchu’r Gymraeg a hunaniaeth leol, a bod yn glir ynghylch beth sy’n digwydd nesaf.
Mae ein safle yn Oldbury-on-Severn wrthi’n cael ei ystyried ar gyfer prosiectau ynni niwclear yn y dyfodol, a’n bwriad yw defnyddio’r safle cyn gynted â phosibl. Rydym yn parhau â’n gwaith i werthuso a pharatoi’r safle i sicrhau ei fod yn barod i’w ddefnyddio yn y dyfodol fel rhan o’r rhaglen niwclear eang, gan gynnwys y potensial i gefnogi unrhyw brosiectau sy’n cael eu harwain yn breifat a allai gael eu datblygu gan y diwydiant niwclear.
Cyfrifoldeb Amgylcheddol
Mae Great British Energy – Nuclear (GBE-N) wedi ymrwymo i gyflawni prosiectau niwclear newydd mewn ffordd sy’n diogelu’r amgylchedd naturiol, yn lleihau allyriadau carbon yn unol â nodau sero net, ac yn cefnogi dyfodol cynaliadwy i gymunedau ledled y DU. Mae cyfrifoldeb amgylcheddol yn rhan annatod o’r ffordd rydym yn cynllunio, yn datblygu ac yn cyflawni ein gwaith, o astudiaethau safle cynnar i ddyluniad hirdymor ein rhaglen Adweithyddion Modiwlaidd Bach (SMR).
Gwerth am Arian a Sicrwydd
Fel corff hyd braich a sefydlwyd o dan Ddeddf Ynni 2023, mae’n ofynnol yn ôl y gyfraith i ni ddefnyddio arian cyhoeddus yn ddidwyll, yn dryloyw ac yn ddarbodus. Ein dyletswydd yw darparu seilwaith cenedlaethol mawr yn gyflym ar yr un pryd â sicrhau bod pob punt yn darparu’r gwerth gorau posibl i drethdalwyr y DU. Mae gwerth am arian wedi’i wreiddio yn y ffordd rydym yn cynllunio, llywodraethu a chyflawni ein gwaith.
Gwerth Cymdeithasol a'r gymuned
Mae ein hagwedd at werth cymdeithasol a chynaliadwyedd yn ymwneud â sicrhau bod prosiectau niwclear newydd yn creu manteision go iawn i gymunedau lleol. Rydyn ni’n canolbwyntio ar greu swyddi medrus, cefnogi cyflenwyr lleol a chyflenwyr yn y DU, a diogelu’r amgylchedd drwy leihau carbon a gwella bioamrywiaeth. Drwy gynnwys yr egwyddorion hyn mewn penderfyniadau o’r dechrau, ein nod yw cyflawni prosiectau ynni glân y gall pobl fod yn falch ohonynt ac sy’n creu gwerth parhaol i’r DU.
Prosiectau
Adweithyddion Modiwlaidd Bach
Yn mis Gorffennaf 2023, fe wnaethom lansio’r broses gystadleuol i ddewis y partner technoleg a fydd yn darparu fflyd gyntaf y DU o Adweithyddion Modiwlaidd Bach (SMR). Mae gan y dyluniadau hyn ar gyfer y genhedlaeth nesaf y potensial i fod yn gyflymach i’w defnyddio ac yn fwy cost-effeithiol na gorsafoedd traddodiadol ar raddfa fawr, diolch i’w maint, eu hadeiladwaith modiwlaidd mewn ffatri, a’u hopsiynau defnyddio hyblyg.
Ym mis Mehefin 2025, dewiswyd SMR Rolls-Royce fel y partner technoleg a ffefrir i ddarparu’r tair uned gyntaf, yn dilyn y broses ddethol technoleg gystadleuol. Yn Adolygiad Gwariant 2025, ymrwymodd y Llywodraeth £2.5 biliwn i gefnogi’r rhaglen.
Ym mis Tachwedd 2025, cadarnhawyd mai Wylfa ar Ynys Môn oedd safle prosiect cyntaf y DU. Bydd y datblygiad strategol hwn yn darparu hyd at 1.4 GWe o bŵer carbon isel.
Bydd pob SMR yn darparu digon o drydan carbon isel i bweru miliwn o gartrefi am fwy na 60 mlynedd. Mae’n gam sylweddol tuag at leihau costau, datgloi buddsoddiad preifat, a galluogi prosiectau yn y dyfodol.
Y Gadwyn Gyflenwi
Mae cyflawni prosiectau ynni niwclear newydd yn gofyn am gadwyn gyflenwi gadarn, arloesol o’r radd flaenaf.
Rydym yn gweithio gyda’r diwydiant drwy gaffael agored, teg a thryloyw, yn unol â chyfraith caffael cyhoeddus y DU. Mae cyfleoedd yn cael eu hysbysebu drwy lwyfannau’r llywodraeth, a rhaid i gyflenwyr fodloni safonau diogelwch a moesegol llym.
Rydym yn croesawu ymgysylltiad gan sefydliadau sydd â’r gallu i gefnogi darpariaeth ddiogel o ansawdd uchel.
Darllenwch fwy yn ein llyfryn cadwyn gyflenwi
Mae ein Piblinell Fasnachol yn rhoi cipolwg ymlaen ar weithgarwch masnachol posibl.
Gyrfaoedd
Bydd ein gwaith yn creu miloedd o swyddi medrus, yn cryfhau sylfaen ddiwydiannol y DU ac yn cefnogi’r newid i system ynni carbon isel ddiogel.
Rydym yn creu sefydliad dan arweiniad arbenigwyr sydd wedi’i wreiddio mewn ymddiriedaeth, cydweithio a gonestrwydd, lle mae pobl yn teimlo eu bod yn cael eu cefnogi, eu parchu a’u bod yn gallu ffynnu.
Byddwch yn rhan o un o raglenni ynni glân pwysicaf y DU.
Archwiliwch yrfaoedd ynni niwclear ledled y DU – mae rhagor o wybodaeth yn ein llyfryn recriwtio
Yn Great British Energy – Nuclear, mae ein diwylliant yn seiliedig ar ymddiriedaeth, cydweithio ac ymdeimlad cyffredin o bwrpas.
Ein Pwrpas
Rydym yn gwneud i brosiectau niwclear newydd ddigwydd, gan ddarparu ynni diogel, dibynadwy a chynaliadwy i’r DU.
Ein Gwerthoedd
GofalCydweithioHerioYmddiriedaethCymhelliant
Rydyn ni’n dathlu gwahanol safbwyntiau ac rydyn ni wedi ymrwymo i greu gweithle lle mae pawb yn teimlo eu bod yn cael eu gwerthfawrogi, eu cefnogi a’u bod yn gallu ffynnu.
Rydym yn cynnig addasiadau rhesymol ar bob cam o’r broses recriwtio, gan gynnwys cyfweliadau hyblyg, fformatau asesu amgen, a chymorth ychwanegol os oes angen.
Ein nod yw gwneud y broses o wneud cais i GBE-N yn glir, yn deg ac yn gefnogol. Rydym yn darparu proses dryloyw o’r dechrau i’r diwedd, gyda phum cam ymgeisio allweddol:
Cais cychwynnolGalwad sgrinioCyfweliad ymddygiadolCyfweliad technegolPenderfyniad
Rydym yn cynnig pecyn buddion cystadleuol a chynhwysol sydd wedi’i gynllunio i gefnogi eich llesiant, eich datblygiad a’ch sicrwydd ariannol. Mae hyn yn cynnwys:
- Cyflogau cystadleuol, wedi’u meincnodi yn y farchnad
- Manteision Iechyd a Lles
- Yswiriant Bywyd a Diogelu Incwm
- Gwyliau Blynyddol Hael o 30 diwrnod ynghyd â gwyliau banc a chynllun prynu a gwerthu
- Pensiwn cyfraniadau diffiniedig gyda chyfraniad cyflogwr o hyd at 14%
Diweddariadau
Byddwn yn rhannu newyddion, cerrig milltir a'r wybodaeth ddiweddaraf am y prosiect wrth i'n gwaith fynd rhagddo.
Mae hyn yn cynnwys gwybodaeth am ddatblygu rhaglenni, ymgysylltu â'r gymuned, cyfleoedd yn y gadwyn gyflenwi a gyrfaoedd.
Great British Energy – Nuclear and Rolls-Royce SMR sign contract
Great British Energy – Nuclear signs a contract with Rolls‑Royce SMR to deliver the UK's first SMRs.
Darllen mwy
Great British Energy – Nuclear Secures Licence to Generate
GBE‑N has secured its Electricity Generation Licence from Ofgem, marking a key step toward delivering new nuclear power for the UK.
Darllen mwy
Non-Executive Directors Appointed to GBE-N Board
GBE-N are pleased to announce the appointment of new non-executive directors to the GBE-N Board.
Darllen mwy
GBE-N Appoints Chief Executive Officer
Great British Energy - Nuclear (GBE-N) is pleased to announce the appointment of Simon Roddy as its new Chief Executive Officer.
Darllen mwy
Wylfa wedi’i gadarnhau fel safle Adweithydd Modiwlaidd Bach cyntaf y DU
Wylfa yn Ynys Môn wedi'i ddewis fel safle Adweithydd Modiwlaidd Bach cyntaf y DU, gan symud cynllun Clean Energy Superpower yn ei flaen.
Darllen mwyAmdanom ni
Ein Swyddfeydd
Prif Swyddfa
Great British Energy - Nuclear
Renaissance House
Lakeside Drive
Warrington Centre Park
Warrington
WA1 1QF
Great British Energy - Nuclear
Renaissance House
Lakeside Drive
Warrington Centre Park
Warrington
WA1 1QF
Swyddfa Llundain
Great British Energy - Nuclear
157-197 Buckingham Palace Road
Llundain
SW1W 9SP
Great British Energy - Nuclear
157-197 Buckingham Palace Road
Llundain
SW1W 9SP
Cwestiynau ac Atebion
Beth yw GBE-N?
Great British Energy – Nuclear (GBE-N) yw corff cyflawni’r llywodraeth sy’n cefnogi’r gwaith o ddatblygu a defnyddio technolegau niwclear newydd yn y DU. Fel un o gyrff hyd braich yr Adran Diogeledd Ynni a Sero Net, mae GBE-N yn helpu i sicrhau diogeledd ynni yn y tymor hir, yn cefnogi targedau sero net, ac yn hyrwyddo buddsoddiad ac arloesedd ar draws y sector niwclear.
Beth yw Adweithydd Modiwlaidd Bach (SMR)?
Mae adweithyddion modiwlaidd bach wedi cael eu dylunio i fod yn llai, yn haws eu hatgynhyrchu, ac yn gyflymach i’w rhoi ar waith na gorsafoedd ynni niwclear mawr, traddodiadol. Byddant yn darparu ynni dibynadwy, carbon isel, gan gyflenwi trydan ‘llwyth sylfaen’ i ategu a galluogi ffynonellau adnewyddadwy yng nghymysgedd ynni’r DU.
Pam cafodd Wylfa ei ddewis fel safle ar gyfer adweithyddion modiwlaidd bach?
Mae gan Wylfa dreftadaeth niwclear gref, seilwaith cadarn, a chefnogaeth gymunedol. Dewiswyd Wylfa am mai dyma’r safle mwyaf addas yn strategol i ddarparu ynni carbon isel, cefnogi twf rhanbarthol, a galluogi adweithyddion modiwlaidd bach i gael eu cyflwyno’n seiliedig fflyd yn y dyfodol.
Faint o swyddi fydd yn Wylfa?
Ar ei anterth, bydd tua 3,000 o weithwyr ar y safle, gyda 5,000 o swyddi eraill yn cael eu creu’n uniongyrchol, yn anuniongyrchol, neu’n cael eu hysgogi yn y gadwyn gyflenwi ehangach.
Sut mae'r prosiect yn cael ei ariannu?
Mae Llywodraeth y DU wedi ymrwymo £2.6 biliwn i’r rhaglen adweithyddion modiwlaidd bach yn ystod cyfnod yr Adolygiad Gwariant hwn. Mae’r rhaglen wedi’i llunio i ddenu buddsoddiad preifat ac i leihau’r baich ariannol ar drethdalwyr.
Beth sy'n digwydd yn Wylfa nawr?
Mae GBE-N wedi dechrau gweithgareddau cynllunio ac ymgysylltu manwl, gan gynnwys sesiynau briffio rhanddeiliaid, digwyddiadau cymunedol, a lansio gwefan benodol ar gyfer y prosiect. Bwriedir cynnal ymgynghoriad cyhoeddus yn 2026.
Beth sy'n digwydd i safle Oldbury?
GBE-N sy’n berchen ar safle Oldbury ac yn ei reoli, a bydd yn parhau i gael ei hyrwyddo ar gyfer adeiladu gorsaf niwclear newydd. Gallai hyn fod ar gyfer rhagor o unedau SMR, gan helpu i gyflawni’r uchelgais o gael fflyd o adweithyddion SMR ar hyd a lled Prydain, neu gellid ei ddefnyddio i ddatblygu technolegau niwclear amgen sy’n dod i’r amlwg.
Cysylltu â Ni
Rydym yn croesawu ymholiadau gan gymunedau, cyflenwyr, partneriaid ac unigolion sydd â diddordeb yn ein gwaith.
Cyswllt Wylfa: 0800 954 9516 wylfa@greatbritishnuclear.uk
Cyswllt Oldbury: oldbury@greatbritishnuclear.uk
Cysylltwch â ni er mwyn:
- Gofyn cwestiwn
- Trafod ymgysylltu â'r gadwyn gyflenwi
- Ystyried gyrfaoedd a chyfleoedd
- Cael y wybodaeth ddiweddaraf am ein prosiectau